Cherita Hari Satu

Quilt tu enggi indai tuai orang benama Virginia. Bisi tiga minggu iya udah nganjung quilt tu tang baru pagi tadi tembu diadu aku. Agi bisi dua iti enggi iya enggau enggi menyadi iya ti apin diadu aku.

Ujung minggu tu lagi kami nemuai ngagai menua sida entua aku laban chuti musim summer berengkah ujung minggu tu. Nya meh tak beguai asai aku ka nembu quilt dua iti nya. Udah kami pulai ari menua sida entua aku ila, enggai enda meresi rumah dulu alu ngemas perengka ti ka dibai pulai ka Miri.

Rumah enggai nyadi enda dikemas dulu laban sepemanjai aku nadai di rumah endang enda dikemas orang ka ditinggal. Sebedau Doug mupok ngambi kami pulai ujung bulan tujuh tu ila, baru iya ngemas enggau vacuum rumah. Laban nya udah pesan enggau ukum dikirum ari Miri ngagai iya sebedau iya mupok!

*****

Lemai kemari kami bisi nunu mimit. Mina nunu hot dogs kena ngaga chilli dog. Chilli con carne ngena ka dalam tin ngambi ka muntang, tambah mega sigi enda nemu ngaga!

Lemai tu aku ngaga pasta bechampur cheese ricotta, parmesan enggau mozzarella. Sebedau aku berengkah makai, nelan tiga leka lactase enzyme dulu ngambika perut enda sebung laban cheese dalam pasta nya.

Selalu iya ma aku ngaga pasta selalu bisi bechampur dagin mimit tang resipi tu nadai bisi nguna dagin. Nyamai ga asai iya taja nadai ngena dagin.

Naka tu aja cherita aku sahari tu.