Jet lag

Jam diatu pukul 6.27 pagi, pagi hari empat. Bala anak benung meda Disney Channel laban leka mata udah pelik pelik ari jam pukul 3.00 pagi tadi. Nyu enggai agi kasak kasak atas katil, nya kebuah pansut ari bilik tinduk alu masang TV.

Merinsa endar ga gasak jet lag. Lemai kemari bala anak tinduk ari pukul 3.00 lemai datai ka pukul 7.00 malam. Ni mata ka tinduk tumu enti baru dani! Aku gali tengah hari kemari, tang enda ga lama mata nya tinduk.

Labanka enda chukup tinduk, pala nyu asaika sebening. Ulih ga ditat lah .. pama hari ditu enda entu angat, bisi ujan mimit. Enti enda, sigi merinsa amat asai isi!