Saturday, April 25, 2009

Bahasa Iban

Sahari aku gaga amat ati laban siku pengajar Iban bisi ninggal komen ba post lama ... komen ka munyi tu:
Rindu ninga pengeras bala kitai ke di menua tasik ke deka nemu agi ngena jaku Iban. Tau kita nemuai ngagai laman tu http://apps2.emoe.gov.my/bpk/ [klik -- laman baru tebuka ... klik ba Modul P&P .... klik ba apak Bahasa Iban ... bisi tebuka laman baru Jaku Iban ---- ba kolum HOME ia kita bisi meda mayuh elemen siti ari elemen nya Jalai Jaku -- klik nya ... kita tau download Sistem Jaku Iban (dalam PDF)]. Sistem Jaku Iban nya meh ke diakena nembiak dalam sekula kediatu. Selamat ngerembai lalu belajarka jaku kitai. Kita tau ngirumka kereban ke bukai ngagai aku nengah biaubalai@live.com. Pengajar Iban
Aku endang lama udah begigaka alai aku tau belajarka sereta ngena Bahasa Iban enggau betul. Aku sigi nadai kala ngambi mata pelajar Bahasa Iban, lalu spiling Iban ke dikena aku (pedis amat ngelengka spiling tu!) nunda spiling ke dikena ba Bup Kudus. Ba aku ditu, Bup Kudus meh naka iya bup dalam jaku Iban.

Aku nadai ngembuan bup dalam jaku Iban bukai. Bula munyi jaku, agi aku ba sekula primary kelia, aku enda tebaika diri bejaku Iban enggau bala classmate Iban. Aku mina bejaku melayu Sarawak tauka jaku English enggau bala pangan sekelas. Kebuah baka nya, laban aku malu, maluka diri enda ngelandik anak Iban bukai, alu munyi jaku Iban (Iban Saratok) dikena aku enda sebaka enggau munyi jaku Iban (tebal agi ari Bahagian 3) bala anembiak bukai.

 Apin lama tu tadi aku bisi bekunsi enggau petunggal aku, Lyana, ke diau di menua Peranchis. Aku madah ke iya, nyelai amat, sekumbang aku diau ba menua tasik, Bahasa Iban aku nyau makin manah!

Sekumbang aku betuliska blog ngena jaku Iban, alu sekumbang aku bepangan enggau blogger Iban bukai, chara aku nulis jaku Iban pan tampak endar bisi insur. Aku selalu beratika leka jaku dikena bala blogger Iban bukai ti lebih landik ngena jaku Iban. Pia mega, lebuh aku ninga radio Iban ari internet, aku selalu beratika jaku dikena sida DJ enggau beratika susun ayat ba berita Iban. 

 Aku mai blogger Iban bukai sama-sama nulis ngagai Pengajar Iban nyema kitai bisi tanya pasal chara ngena Bahasa Iban enggau betul. Iya udah ninggalka email address alu aram meh kitai sama-sama ngemansangka penemu kitai pasal ngena jako Iban enggau betul. 

P.S. Diatu aku ka ngiga dictionary Iban!

Er, nama reti leka jaku "kereban"?




Dikarang kena
Labels:

23 comments:

  1. benjaminujang12:36 PM

    amai nya puteri,

    makin jauh kitai, makin lelengau serta makin gagit ati kitai ka belajar jako enggau adat bansa kitai empu.

    nambah ke nuan bisi nulis blog ngena jako iban, congrats ngagai nuan enggau bala bloggers iban bukai!

    p/s: kereban:
    1."tools, equipment" keresa, perengka, senyata.
    2. "things, oddments" utai,
    chunto :
    ngasoh padi mayoh...enda ka jelungan, enda ka kereban,
    ngasoh bepangkat pinat, "may my harvest be great...with no acts of
    ill-omen, and no harmful rubbish, may it be deep and thick with
    heavy ears of grain".
    ( ref: iban-english dictionary by Anthony Richards )

    bak kamus iban nuan nadai ayat kereban ka puteri?

    ReplyDelete
  2. DCampbell aka Puteri12:40 PM

    Ben, bisi jaku (spiling baru!) leka jaku "kereban" tang maya aku nulis post nya, aku apin muka dictionary!

    Baru iya aku datai ba menua semenanjung kelia, apu, balat enggai aku ninga jaku laut! Hehe, majak aku bejaku Iban .. good thing menya aku bisi pangan Iban siko ka landik agi ari aku bejako Iban ... so maya nya improve mimit Iban aku. Diatu kira ka udah jauh improvement iya! Aku baru meda pdf file ba link ka diberi Pengajar Iban .. apu mayuh leka jaku enda temu aku dia!!

    ReplyDelete
  3. benjaminujang1:27 PM

    aku baru udah meda mega, alu di save aku pdf fle nyak,

    amai nya, tang nadai ko enggau, bak ndur aku belajar ka siko dua nembiak iban, nya pen jarang enggau berandau, ka pe ndak jaku (spilling baru..hehe) laut meh tudah...

    maya nulis blog tok pen, aku nguna ka kamus iban, arinya meh aku ulih belajar leka jaku enggau jaku baru, ari link ke diberi nuan nya ulih meh nguna spilling ti betul diatu.

    ndak aku nemu jaku iban kitai udah jadi mayuh macam sekumbang tok...bangga asai ya...

    ReplyDelete
  4. Anonymous1:42 PM

    apu..meri besai terima ksih wai...meri info tu...beguna amai sepi aku...especially for me that didn't have formal education in iban language...aram kitai ngerembai ka jaku iban

    ReplyDelete
  5. DCampbell aka Puteri2:51 PM

    Ben, aku udah print Glosari Terminologi Litaricha Iban. Mula-mula aku meda jaku "Litaricha", ko aku, nama jaku nya?! Hehe, dah puas ka meda nya baru nemu jaku nya Iban version, "Literature"! Geli ati aku!

    Aku ka print nyadi booklet Sistem Jaku Iban. Doug ulih print ngena mesin ba ofis iya, nyamai gaga mit and double sided.

    Terima kasih ka Bahagian Pembanguna Kurikulum ti udah nulong ngerembai ka Bahasa Iban ba sekula datai ka tikat Pom 5. Waseh .. dah nemu ngena jaku "tikat"! Heheh.

    ReplyDelete
  6. DCampbell aka Puteri2:54 PM

    Deepo, sama meh kitai tu nadai kala ngambi mata pelarjaran Bahasa Iban. Nya meh, tau kitai sama belajar ka chara ngena jaku tu enggau betul.

    ReplyDelete
  7. guyang4:57 AM

    Hai Puteri, terima kasih ngagai nuan laban agi angkunka jaku Iban. Kebuah iya laban nuan jauh ari orang Iban. Aku gaga bendar meda pemerani nuan nulis ngena jaku Iban. Baka nya mih kitai lebuh ke ba menua orang, anang enda ingatka jaku diri.

    guyang

    ReplyDelete
  8. benjaminujang7:07 AM

    Literature jadi Litaricha...Form jadi Pom, direct translation nyak...
    tikat, baru iya aku ninga jaku nya Puteri.

    Amai, terima kasih besai ngagai Bahagian Pembangunan Kurikulum nya...
    nganti kitai ndak beguna ka utai dah pampang diberi sida ya enggau betul rugi amai kitai iban, rugi besai.

    kitai iban semina bisi sejuta iko bak sarawak aja..aram meh kitai iban angkat seiring sejalai ngerembai ka jaku iban kitai. Ohaa...Amin.

    ReplyDelete
  9. DCampbell aka Puteri2:17 PM

    Guyang, terima kasih ka jaku peransang nya. Semadi mutap-mutap kediri bejaku Iban nganu bala sida anak, manah agi nulis blog ngena jaku asal diri empu! Nya meh runding aku suba, tambah mega enggai dikumbai urang ngumba enti enda nemu bejaku ngena jaku asal diri agi ma pulai ka menua kategal ka udah diau ba menua urang.

    ReplyDelete
  10. DCampbell aka Puteri2:24 PM

    Ben, ngamin jaku nuan mega!

    ReplyDelete
  11. -f-l-o-2:34 PM

    Puteri, aku ditanya menyadi aku nama nama ripong dalam jako English? :P

    ReplyDelete
  12. DCampbell aka Puteri3:13 PM

    Flo, ripong is a kind of python. Ripong is also known as sawa babi, so pig python lah. Hehe, info bulih ari dictionary Iban-English.

    ReplyDelete
  13. benjaminujang3:14 PM

    tok email aku puteri,

    benjaminujangjamesgumbang@gmail.com

    flo, ripong nyak Python, ular sawa...
    sorry, enggai nda gagau gak aku... :)

    ReplyDelete
  14. benjaminujang3:15 PM

    takah seminit nuan dulu madah maksud ripong agai flo...hehe..

    ReplyDelete
  15. DCampbell aka Puteri3:25 PM

    Ben, ngumba meh tua, laban ka bisi dictionary Iban!

    ReplyDelete
  16. cathessqwerty@hotmail.com11:06 PM

    Puteri & Ben, manah meh seduai nemu agi bejako Iban, enti enda nemu kak belajar. Aku puas meh nguji nulis jako Iban, suba form 3 bisi ngambi ujian jako Iban PMR, tang meh sigi kulup bulih C. Bejako nemu nya meh nulis munyi ke bejako, kekadang tepantup enda nemu keni kak nusun ayat enggau betul, munyi tak salah, tang pajak ke diak asal meh orang faham. Lam-lama ila nemu deh.

    ReplyDelete
  17. Tia12:29 AM

    thanks for the info. aku sigi nadai confident berblog dalam bahasa kitai iban. takut ngemalu ka diri...he he. spoken iban pun lebih kurang sama...

    ReplyDelete
  18. DCampbell aka Puteri2:24 PM

    mama belian n cengal, belum cuba belum tau, ko laut. Sama meh kitai tu nadai kala ngambi mata pelajaran Bahasa Iban, tang enggai enda nguji. Kesuah kitai ngena bahasa tu, nyu nemu agi ga kitai.

    Rindu aku meda laban nyu mayoh bala ka nulis blog ngena jaku Iban diatu. Mansang endar peda aku, taja tebal agi bala enda nemu iga nulis jaku Iban enggau betul. But that didn't stop them from using it! Syabas!

    ReplyDelete
  19. Ibankiih12:04 PM

    charik labung batik,ganti labung betawi...
    parai urg. ke tuai, diganti tubuh kitai....
    enti munyi nya, idup meh jaku kitai...

    thanks for the nice info.

    ReplyDelete
  20. liumx9:16 PM

    Aku belajar jaku Iban udah 6 bulan enggau Bup Otto Steinmayer (Jalai Jako' Iban) tang apin nusoi(?). Aku nadai Dayak nadai Laut tang urang Malaysia. ;-) Pendiau ba Semenanjung.

    ReplyDelete
  21. wawa @ mamy malun3:49 AM

    well..aku pan nadai kala ngambi kelas bahasa iban.aku diau di menoa melanau nya bahasa kami sebilik campur2 aja.study bak kuching belajar jaku bidayuh.keja ke kapit nyau nemu jaku penan aku suah travelling agai belaga.diatu apai tuai aku tuai 21 taun ari aku.kadang2 jaku mesej iya spiling iban lama.pepelik mata macha mesej iya.he3..

    ReplyDelete
  22. DreamzHax11:14 AM

    liumx, endang mayoh penguntung urang ke blajar bahasa, selain ari bahasa sida empu. dlm ayatnuan;'Aku nadai(tiada) Dayak nadai Laut tang..' enda tepat,iya meri reti lain. Pelaba, tu ke betul: 'Aku ukai(bukan) Dayak, ukai Laut...'

    selamat belajar.

    ReplyDelete
  23. DreamzHax11:17 AM

    liumx:
    'Aku nadai(tiada) Dayak, nadai Laut..' reti lain. pelaba tu ke betul. Aku ukai(bukan) Dayak, ukai Laut ..'

    selamat belajar.

    ReplyDelete

Subscribe to: Post Comments (Atom)
Related Posts Plugin for WordPress, Blogger...