Berendam

Aku ka meri terima kasih ngagai IbanKiih laban ti recommend ngerendam kaki dalam ai angat nyilu kuku! Aku endang kala pedis kaki suba, alu bisi direcommend ngerendam kaki aku dalam ai angat nyilu kuku tauka naka pengangat ti ulih ditat, alu ai nya disimpan Espsom salt.

Chey! Nama kebuah aku enda tingat pasal nya?! Endang agi bisi ga Epsom Salt dalam almari bilik mandi bekau ka pedis kaki dulu suba!!

Mupok meh aku pagi tadi, udah ka ngirup kupi enggau makai roti canai, ngerendam kaki aku dalam bisin mit ti di-isi ai ti udah disimpan Epsom Salt, sambil bepeda ka news ba internet.

Epsom salt tu endang mayoh guna iya. Garam tu meh dikena dalam bath salts ti dikena orang berendam dalam bath tub. Garam tu tau ngurang ka pemedis ba kaki, muai bau ba kaki, alu tau ngasoh kulit kaki ti kasar nyadi lembut agi. Enti isi bisi mengkul tauka selau, kitai tau berendam dalam ai angat ti udah disimpan garam Epsom mega.

Sigi amat alu gerai ga pedis kaki aku suba udah ka berapa kali di rendam dalam ai angat ka udah disimpan garam Epsom tu. Ngarap ka sekali tu pemedis kaki aku tu alu gerai jampat mega. Pechuma ngetat pedis kaki lebih seminggu kategal ka enda ingat pasal ngerendam kaki ka pedis dalam ai di-isi garam Epsom!


**Epson Salts, or Magnesium sulfate, when used through soaking with a 1% solution, can soothe muscle pains and give a feeling of well-being. Magnesium and sulfate are absorbed through the skin. WikiAnswers**