Apu! Raya nya!Nadai lah. Enda nemu kebuah bisi medua minggu tu tapa kaki aku berasai pedis. Ba senentang arch tapa kaki aku ..er, nama jako Iban 'arch'? Oi, ukai gerbang lah!
Seminggu minggu tu tadi aku ngadu quilts orang. Ko jako, orang ka empu quilts nya ka ngambi quilts sida hari minggu tu kemari tang enda ga nyadi. Bendar meh tudah aku bediri depan mesin aku nembu quilt sida tu. Datai ka nyu pedis kaki!
Nama jako Iban 'arch' tadi? Maya aku ka shopping lemai hari lima nyin kemari aku bisi meli dua pasang insoles, lapik kasut ... tau nulong kaki pedis kenu. Lapik tu meh disimpan aku dalam kasut aku ka dikena aku ba rumah diatu. Bisi ga insur mimit asai kaki aku.
Tu gamal quilt ka diadu aku hari enam nyin kemari. Ngetu meh aku enda lama meda kaki nyau pedis. Leboh ka ngetu, ngambi kacang alu nukar program radio Iban ka bemain ba netbook ngagai NTV7 alu meda Phua Chua Kang Sdn Bhd.
Rindu endar ati meda PCK!! Lekik-lekik kediri meda PCK sambil ka makai kacang! Rindu mega laban ulih meda program NTV7 ari internet, reti nya tadi enda iboh di Malaysia din ampit meh meda sekeda cherita ba TV di Malaysia din!Aku endang ari suba rindu meda PCK, alu leboh aku macha pasal PCK pindah ka Malaysia alu ngaga siri baru, amat enda teranti aku ka meda siri tu. Ukai mina aku, Doug pen nemu enggau meda PCK!
Sapa nemu chara ngubat kaki pedis, anang enda madah, au?
pama nya meda PCK ngejong ka pedis kaki,
ReplyDeletenganti nitih ari kamus iban-english ke dikembuan aku ditu, 'achilles tendon' (instep) maksudya tumbit, 'heel' - tunjing, maksud arch nadai temu...tauka empai temu...
agi pusat urut kaki? tauka pamper your feet for a week, a month...?
haha..aku selalu ngasai ka pemedis ba tapa' kaki munyi ku' nuan nya,lebih agi enti maia udah belanda(long distance) tauka bediri kelalu lama.
ReplyDeleteTau nuan nguji ngerendam kaki dlm bisin ngena ai angat, kira pengangat nyilu kuku(enti nn tan, angat mimit manah agi),pengelama 15-20 minit.lalu maia tinduk engkah ke panggal ambi ka lapik kaki-reti ia kaki nn nya terangkat mimit.Manah di gaga sebedau tinduk malam.
Ben, enti nya di Miri din, udah aku nganjong diri urut kaki ba pusat reflexology! Ditu, er, nadai nemu alai. Nadai ba dictionary aku jako Iban for arch ... nanya sida ini, alai.
ReplyDeleteIbankih, adui namahal aku nadai tingat pasal negerendam kaki? Thanks for reminding me!! Sekali suba aku bisi pedis kaki, tang ukai senentang arch, alu bisi indu Mexican siko madah rendam dalam ai sederhana angat alu simpan epsom salt!! Agi bisi epsom salt aku dia!! Eee, enda berapa, ngenat pemedis enda entu pasal!! Heheh.