Bekerak

Pun taun tu tadi aku bisi meli sepasang gelang copper (nama jako Iban 'copper'?) Ko orang, barangsapa ka ngembuan sakit tulang, copper tau nulong ngurang pemedis tulang. Siti ari gelang nya bisi besi berani (magnet).

Iya ka bisi besi berani bisi agi mai insur ba bau aku .. nemu ngetu pemedis bau kanan aku udah ka ngena gelang nya. Meda nya bisi insur, meli aku siti agi gelang copper ka bisi besi berani.

Tang nya meh, gelang digaga ari copper tauka pirak, nemu bebali. Bisi orang madah ka aku, ngena tomato sos nuchi gelang copper. Er, nadai ga aku udah nguji. Demalam lebuh aku ka shopping, tepeda ka Brasso ba endor barang ka kena orang nuchi pirak, barang ka ngasoh kayu bekilat etc. Ah, lama endar aku enda tepeda Brasso! Sigi nya meh dikena sida indai nuchi sida periok enggau talam engkeraju!

Meda nya Brasso tau dikena nuchi copper, meli aku sebutol. Enda nemu kebuah ngelama tu aku nadai tingat ka Brasso!

Nyau tampak terang agi sida gelang aku udahka diunsut enggau Brasso! Kapa kiroh bekena ka tomato sos nuchi gelang!


Update: Nitih ka Handy Reference Dictionary of Iban and English by Vinson and Joanne Sutlive, copper dikumbai engkeraju. Ngelama tu, ko aku engkeraju nya bronze enggau brass. Baru nemu nya copper dikumbai engkeraju mega!