Lemai kemari keterubah iya taun tu kami betunu. Cory madah ka diri endang "expert" pasal bar-be-cue, alu lemai hari enam iya bisi meli sida pah manuk. Aku tu meh tukang marinate sida pah manuk nya. Aku bisi mega meli sida dagin chapi enggau hot dogs kena nambah utai ka dibeli Cory.
Berapa bulan enda dapur bar-be-cue enda dikena. Nyu balut sida pukat emplawa. Nasib ga hari kemari nadai agi angin. Enti bisi angin chelap nadai aku tu ka nganjung diri dudok ba luar makai!
Amat pama endar ga gamal utai ka ditunu Cory. Nadai entu arok. Dagin chapi enda kelalu rangkai, pah manuk lembut. Hot dog nadai aku nyepi ... bala anak ka makai nya.Aku bisi mega mandok dua macham lauk sayur .. taugeh guring enggau undang champur brocolli, snow peas, carrots enggau kulat. Asi nadai aku nyendia, mina bisi manggang biscuits (bread rolls) ka dempa enggau sida dagin tunu.
Denice saduai Duncan berebut dudok berimbai enggau Cory. Maya hari gambar tu diambi kira ka pukul 6.45 lemai. Hari diatu mupok petang urung pukul 7.30 malam. Bala anak ma dikangau tama ka rumah selalu komplen laban saduai ngumbai hari agi tumu! Agi ka bemain ba luar din.Enda ka lawa asai dudok ba luar enti dudok ba patio furniture bakaka diayan aku ditu kutai?
wasehhhhh lawa sida iya uda be bbq! kami ditu tak majak ujan. nasip dua minggu kemisi ari nya ari manah. Tu seluruh peranchis ujan aja. Ka ramalan cuaca ari tiga ila ari belabuh manah. Ngarap ke enda bula ke janji meh !
ReplyDeleteBBQ.. my fav activity.. gaga meda anak betangkap makai.. and lepak2 with family.
ReplyDeletesedap nya.... enti bala iban BBQ, idup ke api besai2.. tikau ke aja pala jani.. nyau chelum, enti makai abis ngeli chelum. Tajapan chelum.. licin ga dempa..
ReplyDeleteNyum nyum...lawa neh nuan Q dia!!
ReplyDeleteLyana, agi ujan kita di, pia? Issh, pagi tu tak chelap asai hari, ni agin agi! Beguai tama kerita udah ka nyimpan shopping tadi!
ReplyDeletePat, haha, lama endar aku enda ninga jako "betangkap" kena describe bala nembiak berebut ka pemakai! Enggi kami ditu, betuah ma meda betangkap ka pemakai! Utai manis baru betangkap!
Ken, nadai aku dah meda pala janik ditu .. ba kedai Mexican nadai meh. Sida perut, bisi. Amat nyamai endar ka pala janik nya dempa, neh!
Ms floe, kitu ngabas kami, ila kitai bbq baru!