Bekebun

Demalam kami bisi ngetu ba nursery alu bisi meli berapa pasu mit bunga. Ka betanam bunga sebelah depan rumah, kenu. Tang enti aku tu dipeda bekebun endang kudi hari! Naka bunga ka di-intu aku, iya dalam pasu simpan dalam rumah.

Sapa enti enda Cory nya meh dikarap ngintu kebun aku. Aku tu kira ka mandur, mina tukang padah dini alai bunga nya patut ditanam.

Kolam nya endang lama udah dibeli tang nadai kala dikena ngerias sebelah tanah. Kena nyimpan ai alai ansa ngirup enggau mandi keba! Cory nya meh mai kolam ke depan alu ngadu nya manah. Ko Doug, alai nyimpan sida ikan emas. Koi enda tau laban mar, alu enggai ka nyadi pemakai sida raccoon. Rugi ngapa nupi koi.

Tu meh sekeda gamal bunga dibeli aku demalam. Bisi meli leka bunga mega tang alu apin ditabur. Agi ka meli bunga, bansa ka idup sepanjai taun. Arap ka dudi ila iya tau tumbuh baru alu menambah dia. Ma ka meda iya galak, enggai enda nganti 2 - 3 taun, semadi meh kitai endang meli mayoh kena ngemenoh endor nanam bunga.

Doug bisi meli leka entekai tang apin ditanam. Mina sepun tomato aja udah ditanam. Agi ka nanam honey dew enggau semengka taun tu laban Denice rindu endar ka buah dua iti tu. Jagung manis ga siti ti enda tau enda ditanam. Rindu endar makai jagung manis alu enda pedis ditanam.

Kira ka nyamai mimit taun tu laban Cory bisi begulai enggau kami alu bisi nulong ngereja pengawa sebelah tanah baka nginjin rumput enggau nulong aku bekebun. Panjai cherita siko tu, alu apin ulih ditusoi ditu.