Bekebun 2

Lemai hari satu nyin tadi kami menyanak bisi nurun ka pasar laban agi ka meli bunga, alu bisi mega meli sida anak chabi, honey dew enggau semengka.

Nadai endar ga penyampau bunga dibeli, tang lebih seratus ga ungkus iya. Lemai kemari Cory alu mindah bunga ari pasu ka tanah. Ngumba endar ga hari alu ujan udah nya. Iya ka tinggi nyu rebah gasak ujan. Tang ukai mina nya aja, tiga iko ansa bisi pansut ka depan laban gate enda ditutup, alu bisi tama alai bunga ka baru ditanam. Pedis endar ati meda laban sempat mantuk sekeda bunga! Peii!

Aku bisi meli dua macham calla lilly. Iya ka kuning enggau iya ka burak. Ka burak bansa ka besai agi ari iya ka kuning. Mayoh macham warna iya tang laban budget sekian, nadai meli lebih ari nya. Aku bisi mega meli sepasu Easter lily (kanan) laban ka diberi ngagai pangan aku siko benama Kathy.

Aku angan angan ka meli patio furniture baka ka ba gambar atas. Ba menoa kami ditu tiap spring berengkah pansut patio furniture dijual laban orang rindu dudok ba luar, bebarbecue, tauka bejembui ba panas. Meda nya taun tu aku bisi betanam ka bunga lebih agi ari taun dulu, rindu endar ga asai ati dudok ba luar ma lemai hari, meda gamal kebun ka bebunga enggau bebuah. Meda kesulai, indu penyangat enggau humming bird nutu sida bunga ....

Doug, leboh ka ninga aku besebut pasal ka meli patio furniture, ngeriut mimit moa iya. Iya nemu aku tu sigi enda tan pansut ari rumah ma hari udah kelalu angat. Amat tau angat endar ga hari kami ditu ma udah musim panas. Bekurung dalam rumah enchadi ka air-con meh aku ma hari udah kelalu angat!

Meda gamal budget dulu, enti bisi lebih, nadai gaga enda meli neh!