Cherita Hari Lima

Pagi tadi ba sekula sida Duncan enggau Denice, bisi ngatur Trike-a-thon. Pengawa tu kena ngumpul fund ka St. Jude's Children's Hospital.

Ari demalam Denice saduai Duncan enda teranti ka nurun sekula mai basikal enggau helmet saduai. Nya meh gamal basikal saduai disimpan dalam kerita pagi tadi.

Aku enda ampit meda pengawa nya laban ka nganti orang datai ngadu pam telaga kami ka rusak. Disangka ka pam meh ka rusak nya! Lemai kemari aku meda pressure ai tak enda balat pansut ari paip dapur.

Endor kami diau, kira ka countryside alu nadai nerima ai paip ari Bandaraya. Samoa orang ka diau ba countryside endang bisi telega diri empu alai ngulih ai dikena. Taja nama nya telaga, gamal iya ukai baka telaga ka dikena kitai ba menoa ulu din. Telaga nya dalam, alu pam karan ka dikena mansut ka ai ari baroh tanah ngagai tangki atas telaga nya.

Nasib ga bisi orang seberai rumah alai minta ai, nyambung hose ari paip iya ngagai paip (faucet) kami, alu ai nya disalur ka tangki ... ngena chara reverse, er, gostan.

Lemai nya Doug alu telipun ngagai siko orang ti sama besembiang ba gereja endor kami, ngasoh iya datai pagi tu tadi, meresa ni bagi ka rusak ba pam telaga.

Rudy, nama orang ka ngadu pam telaga, bisi mai ukoi iya leboh iya ka datai. Aku sempat ngambar poodle iya ka benama Princess! Ngumba endar ka ukoi nya, nyu Princess nama iya!! Chey, enggai alah aku!!

Pelaba tu tauka nya ka jai, ko Rudy nujuk injin pam. Aku mina ngangguk ka pala ngapa!

Bisi utai angus dia, peda nyu retung gamal utai dia, er, enda tingat nama utai nya tadi. Nya ka ngasoh injin pam ba telaga nya alu jai. Udah ka meresa pam nya tadi, Rudy alu mupok meli spare parts kena nganti utai ka rusak dia.

Alu tembu ngalih ari tadi pengawa ngerepair pam nya. Valve paip ai ka disambung ngena hose ari orang seberai kami alu ditutup Rudy, laban nadai nguna ai ari nya agi.

Lemai tu lagi, baka selama kami menyanak pansut makai ba restoran. Enti sempat aku ka ngetu ba JC Penny, ka meda sale dia. Minggu nyin tadi enda sempat, dah tutup maya ka datai dia.

Selamat ujung minggu ngagai bala kita samoa!